Avokati Edmond Petraj thotë se Komisioni i Venecias nuk do të vendosë për papajtueshmërinë e mandatit të deputetes Olta Xhaçka, por do të japë opinion.
Në një intervistë për ABC News, Petraj u shpreh se mandati i Xhaçkës nuk do të preket, pasi nuk ka konflikt interesi.
Ndër të tjera, avokati shtoi se papajtueshmëria e mandatit të një deputeti, varet nga kushtetuta.
“Ky është një diskutim i ezauruar nga ana juridike. Rasti i deputetes Olta Xhaçka, që lidhet me akuzat për konflikt interesi, është duke u shqyrtuar nga Komisioni i Venecias, pasi u referua nga Gjykata Kushtetuese. Duke qenë se Kuvendi kërkoi opinon nga Venecia, a mund të detyrohen deputetët, se si duhet të votojnë, standardet dhe mekanizmat për të konstatuar dhe rolin e Gjykatës Kushtetuese dhe gjykatave në këtë vend. Shumica parlamentare ka abstenuar per dërgimin e çështjes në Gjykatën Kushtetuese. Për çdo gjë ndodh, vendos parlamenti. Për çdo rast, do parë edhe pjesa analitike. Do pritur deri nesër. Nuk ka logjikë, Venecia nuk vendos, por jep opinion. Olta Xhaçka do të jetë e papërfshirë. Ku është konflikti i interesit? Do fillonte procedim penal, SPAK. Janë disa gjëra që duhen parë imtësisht. Unë them që mandati i Olta Xhaçkës nuk preket. Në kushtet që jemi, nuk do të ketë ndonjë pritshmëri. Mendoj unë. Këtë opinon do jepja. Të gjithë e dinë që bashkëshorti i saj është biznesmen, ka vite.
Standardet dhe mekanizmat për të konstatuar papajtueshmërinë e mandatit të deputetit janë përcaktuar nga kushtetuta. Një deputet të mos shkelë normat kustetuese dhe ligjore. Papajtueshmëria e mandatit ndodh kur deputeti apo të afërmit e tij, përfitojnë nga fondet publike. Deputeti, i cili ushtron një detyrë ekzekutive, administrative, ose një funksion, ministrat që nuk heqin dorë nga mandati, pjesa tjetër është në mospërputhje kushtetuese. Ka shumë raste“, theksoi ai.
