Një mësues nga Gana ka marrë lëvdata mbarëbotërore pasi një foto e tij duke i mësuar nxënësve se si të përdorin Microsoft Word në një dërrasë të zezë, u përhap në mënyrë virale.
Në shkollën e mesme ku jep mësim, nuk ka kompjutera dhe mësuesi i IT-së, përdor shkumësat për të bërë versionin e kompjuterit në tabelën e zezë.
Në mes të shkurtit, ai ndau një postim në Facebook duke treguar metodën e tij të mësimdhënies.
“Mësimdhënia e TIK-ut në shkollën e Ganës është shumë qesharake,” tha Owura Kwadwo, i njohur më mirë si Richard Appiah Akoto, në një post në Facebook krahas fotografive.
‘I dua studentët e mi. Dua që ata të kuptojnë që unë jam duke i mësuar”.
Mësuesi i informacionit dhe teknologjisë kompjuterike (ICT) më pas është kontaktuar nga Microsoft pasi imazhet u ndanë me mijëra herë në internet. Kompania ka premtuar se do t’i dërgojë pajisje kompjuterike të reja dhe do t’i japë atij qasje në burimet e saj të zhvillimit profesional.
Akto për gjashtë vitet e fundit ka mësuar nxënësit në Betenase M / A Junior High School, rreth tre orë në veri të qytetit të dytë më të madh të Ganës, Kumasi.
Shkolla nuk ka kompjutera edhe pse në vitet e fundit 14 dhe 15-vjeçarët pritet të shkruajnë dhe të kalojnë një provim kombëtar, ku TIK është një nga lëndët.
“Kjo nuk është hera ime e parë [e vizatimit]. Unë e kam bërë atë në çdo kohë që kam qenë në klasë”, tha Akoto për “Kuarc Africa”.
Historia e tij u soll në vëmendjen e Microsoft-it nga sipërmarrësi Rebecca Enonchong i cili i shkroi kompanisë për të treguar se ai mësonte përdorimin e produktit të tyre pa pasur qasje fizike në të.
Të martën, gjigandi i softuerit veproi sipas kërkesës së saj.
