Alec Baldwin ka bërë deklaratën e tij të parë publike që pas ngjarjes tragjike në xhirimet e filmit të tij të ri. Në një postim në llogarinë e tij në Tëitter, aktori tha se po nbahskëpunonte me policinë dhe ishte në kontakt me bashkëshortin e saj, të cilit i kishte ofruar mbështetje.
“Nuk ka fjalë për të përcjellë tronditjen dhe trishtimin tim në lidhje me aksidentin tragjik që i mori jetën Halyna Hutchins, një gruaje, nëne dhe kolege e jona shumë e admiruar.
Unë jam duke bashkëpunuar plotësisht me hetimin e policisë për të adresuar se si ndodhi kjo tragjedi dhe jam në kontakt me bashkëshortin e saj, duke i ofruar mbështetjen time atij dhe familjes së tij. Më është thyer zemra për burrin e saj, djalin e tyre dhe të gjithë ata që e donin Halynën”, shprehet ai.
Aktori ishte në Nju Meksiko për xhirimet e filmit “Rust”, në të cilin ai luan dhe prodhon. Sipas hetuesve, Baldwin shkrepi një armë zjarri në set, që shkaktoi vdekjen e Halyna Hutchins, 42 vjeçe, drejtoreshë e fotografisë së filmit.
Kineastja u dërgua në spital me helikopter, por vdiq nga plagët e marra, ndërsa u plagos regjisori i filmit, Joel Souza, 48 vjeç.
g.kosovari
