Kryeministri i Maqedonisë së Veriut, Zoran Zaev zhvilloi një bisedë telefonike me Sekretarin e Përgjithshëm të NATO-s, Jens Stoltenberg.
Mungesa e dritës jeshile të Brukselit për çeljen e negociatave shkaktoi tërmet në Shkup, duke I kushtuar kreut të LSDM-së frerët e pushtetit.
Zaev i ka përcjellë numrit një të NATO-s zhgënjimin e qytetarëve të vendit për vendimin e fundit të Këshillit të BE-së lidhur me datën për fillimin e bisedimeve të anëtarësimit.
“Kjo nuk duhet dhe nuk do të ndikojë në realizimin e qëllimit të dytë më të madh strategjik – anëtarësimi në BE, dhe në zbatimin e reformave deri në fund, në mënyrë që t’i zbatojmë vlerat evropiane në institucionet tona”, është shprehur Zaev.
Ai gjithashtu ka informuar Stoltenbergun për rezultatin e takimit të liderëve tek presidenti Stevo Pendarovski.
Ndërsa Stoltenberg, sipas shtypit vendas, i ka shprehur mbështetje të plotë duke i thënë se pret që Maqedonia e Veriut të bëhet anëtare me të drejta të plota në NATO.
g.kosovari
