Rajoni i policisë së Kosovës në veri refuzon të zbatojë vendimin e qeverisë për targat e vjetra serbe. Drejtori Nenad Gjuriç, pas një takimi me anëtarët e Listës Serbe, tha se policët e komisariatit të tij nuk do ta zbatojnë vendimin, pasi sipas tij është politik dhe kundër komunitetit serb.
Gjithashtu njoftoi se më veri të Kosovës janë dërguar policë nga Prishtina për të lëshuar paralajmërimet. Gjuriç shtoi se prezenca e forcave speciale në komunat me shumicë serbe ishte pa dijeninë dhe aprovimin e tij dhe se një gjë e tillë “sjell frikë dhe trazira për njerëzit”.
Kjo vjen pas raportimit se një automjet që kishte ndërruar targat e vjetra serbe në RKS ishte djegur në veri të Kosovës.
Ky incident është dënuar nga ambasadori amerikan në Prishtinë, Jeff Hovenier, i cili përsërit thirrjen për kryeministrin Kurti që të shtyjë vendimin për targat me disa muaj.
/a.r
