Pritje madhështore ka qenë ajo e organizuara sot për Kombëtaren shqiptare të futbollit, ndërsa pas dekorimeve në Kryeministri dhe Presidencë, ekipi i është bashkuar fetsimeve në sheshin ‘Nënë Tereza’.
Por më shumë sesa një festim për kualifikimin në Europian, tifozët dhe këngëtarët kanë shpërthyer në brohorima dhe sharje ndaj ekipit serb.
Ka qenë Armando Duka, kreu i FSHF, ai i cili është fishkëllyer i pari nga mijëra tifozë të cilët mesa duket fajësojnë federatën për humbjen me Serbinë. Ndërkohë, thirrjet pro Ballist Morinës dhe për lirimin e tij nuk kanë munguar.
Kuqezinjtë kanë shpërthyer kundër Serbisë me sharje në kor, duke i dhënë sheshit atmosferën e një stadiumi, atmosferë kjo e munguar në ‘Elbasan Arena’ për hir të sigurisë. (javanews.al / a.r)
