Pronari i një kafeneje në Liban, Abdallah Assaii, i cili grabiti një bankë vetëm që të “merrte prej andej paratë e tij”, është kthyer në hero në vendin e tij.
37-vjeçar akuzohet se ka mbajtur peng shtatë punonjës në një bankë në qytetin Jeb Jannine, duke i kërcënuar se do t’u vinte flakën nëse nuk i jepnin 50,000 dollarë nga llogaria e tij.
Pas arrestimit, ai filloi një grevë urie në shenjë proteste.
“Abdallah arriti të bënte atë që askush nuk mund ta bënte në të gjithë Libanin.” “Ai nuk i ka vjedhur paratë. Ishin të tijat”, u shprehën disa prej banorëve.
Libani po përjeton krizën e tij më të rëndë financiare. Monedha vendase ka humbur rreth 90 për qind të vlerës së saj, kursimet e njerëzve janë bllokuar në banka dhe fuqia punëtore e kualifikuar po emigron me shumicë.
/a.r
