U emërua të premten dhe u largua të martën. Viola Hima nuk ka mundur të qëndrojë më shumë se dy ditë pune në karrigen e drejtorit të zyrës vendore të Kadastrës.
Arsyet e largimit sipas të dhënave të para janë për shkaqe familjare.
Ajo që dihet është se në këtë post edhe pesë drejtues të tjerë janë dorëhequr ne 9 muajt e fundit dhe Hima bëhet e 6-ta.
Kadastra e Vlorës ka nisur zyrtarisht menaxhimin e pronave në Bregdet, që mbetet çështja me e nxehtë në këtë qytet.
Historia e drejtorëve pranë Kadastrës në Vlorë:
Hima zëvendësoi Bilal Aliaj, që u dorëhoq rreth dy javë më parë.
Bilbil Aliaj zëvendësoi në këtë post Taulant Canametin, drejtuesin e komanduar që qëndroi në krye të Kadastrës së Vlorës për rreth 4 muaj, pas dorëheqjes të bordit drejtues.
Para Canametit në krye të Kadastrës ishte Elona Hodaj, e cila mori detyrën më 19 shtator. Shkak i largimit të drejtuesve të Kadastrës së Vlorës është bërë një vendim i Gjykatës së Lartë për një pronë në bregdet në Jalë.
Para Hodajt në krye ka qenë Alteo Nazeraj, një nga punonjësit e Kadastrës që ndenji vetëm 10 ditë në detyrë, ku ish-drejtori Florian Almadhi kishte kërkuar hetim për tjetërsim pronash. Florian Almadhi dha dorëheqjen pas 5 muajve në detyrë, ndërsa së bashku me të janë shkarkuar n/drejtori dhe tre specialistë të institucionit më 9 shtator 2019.
/e.rr
