Bill Steele dhe Charles Steele do të përballen sëbashku për postin e kryetarit të bashkisë në Port Colborne, Ontaria, Kanada.
Ata në fakt, janë vëllezër, por nuk flasin bashkë prej më shumë se 30 vitesh. Të dy u takuan gjatë një përballje elektorale javën e kaluar dhe folën për herë të parë pas 30 vjetësh. Charles Steele pranoi për “The Guardian” se ishte mjaft nervoz gjatë diskutimit: “Unë kurrë nuk kisha marrë pjesë në një debat para një turme më parë”.
Duke thënë se herë pas here zemërohet, Charles Steele vazhdoi fjalët e tij duke thënë se “vëllai im mendon se kryesia është e drejtë e tij. Më shqetëson arroganca e tij”. Ai vuri në dukje se nuk ka asnjë kandidat tjetër përveç vëllait dhe vetes së tij, dhe se këtë po e bën për demokraci.
“Dua të shoh qytetarët të marrin të ardhmen në dorë, jo t’ia dorëzojnë elitës së fuqishme”, tha Charles Steele.
“Vëllai im duket sikur nuk kupton këtë”, u shpreh Charles Steele./m.j
