Kryetari i Partisë Republikane, Fatmir Mediu pati një deklaratë për mediat këtë të premte. Deputeti propozoi hartimin e një projekt rezolute për të njehsuar sipas tij qëndrimin e Shqipërisë në lidhje me situatën në rajon pas tensioneve në Bosnje-Hercegovinë.
“Është situatë shqetësuese që duhet të na bëjë të jemi me një zë”, tha Mediu
“Rruga më e mirë për të proceduar është një rezolutë e Kuvendit ku përfshihet mazhoranca dhe opozita. Jam i hapur për ndryshime, por në thelb të jemi së bashku”, shtoi ndër të tjera ai.
Mediu tha ndër të tjera se beson dhe shpreson që Bosnja nuk është në prag lufte, por Shqipëria duhet të marrë masa parandaluese edhe si një vend që është në NATO.
/a.r
