Siria është prej vitesh në gjendje lufte, por nuk është shteti me numrin më të lartë të vrasjeve.
Një tjetër vend cilësohet si më i rrezikshmi në botë ku numri i vrasjeve ja kalon të gjitha vendeve që janë të përfshirë nga luftrat.
Bëhet fjalë për Brazilin, ku gjatë vitit të shkuar, u regjistruan 58 mijë e 946 vrasje, ose thënë ndryshe 1 vrasje për çdo 9 minuta.
Ky vend nuk është klasifikuar si shtet i përfshirë nga lufta, por bandat kriminale përgjakin vendin çdo ditë.
Në klasifikimin e 50 qyteteve më të rrezikshme në botë, thuajse gjysma ishin ato nga Brazili, 21 qytete.
Para 30 vitesh numri i vrasjeve në Brazil shkonte në rreth 13 mijë, por shifrat janë rritur me shpjetësi ndër vite nga përplasja e bandave dhe krimi i rrugës.
