Elon Musk mund të ketë folur disa herë rreth planeve të tij për të ndërtuar një bateri makinash që mund të furnizojë me energji të gjithë shtëpinë, por ai është gjithashtu një lider në inovacionin teknologjik.
Tani që shkenca evoluon në një shkallë të tillë, edhe fantazitë tona më të pabesueshme mund të bëhen realitet.
Njërën prej këtyre fantazive duket se dëshiron të bëjë realitet sipërmarrësi i suksesshëm dhe vizionar Elon Musk, i cili po përgatitet për të krijuar një produkt inovativ, ku truri i njeriut mund të jetë i lidhur me kompjuterin.
Elon Musk, dy vjet më parë, krijoi një kompani të quajtur Neuralink Corp për të zhvilluar teknologjinë përmes së cilës kompjuterat mund të lidhen me trurin e njeriut.
Neuralink merret me teknologjinë e quajtur “dantella neural”, e cila merret me instalimin e elektrodave të vogla në tru, të cilat eventualisht mund të jenë në gjendje të “ngarkojnë” dhe “shkarkojnë” mendimet.
Kjo teknologji mund të përdoret gjithashtu për të përmirësuar kujtesën, ose për “fuqizimin” e njerëzve me inteligjencë artificiale shtesë.
“Unë mendoj se do të kemi diçka interesante për të njoftuar pas disa muashj, do të jetë më mirë se ajo që dikush mendon. Skenari më i mirë që mund të lindë nga inteligjenca artificiale” tha CEO i ri i Tesla dhe SpaceX.
“Ky produkt do të lejojë këdo që dëshiron të ketë njohuri mbinjerëzore. Kushdo që dëshiron. Sa i zgjuar jeni kur keni një telefon apo një kompjuter dhe sa kur nuk e keni?
Me këtë produkt ju do të jeni në gjendje t’i përgjigjeni çdo pyetjeje. Ju do të jeni në gjendje të mbani mend gjithçka. Telefoni juaj “kujton” në mënyrë të përkryer videot dhe fotot tuaja.
Telefoni juaj është një zgjatje e vetes. Ju jeni tashmë një saiborg – një organizëm artificial i automatizuar”, thotë Musk.
