Një 37-vjeçar ka përfunduar në prangat e policisë pasi kishte vjedhur një makinë, ku brenda tij ishin dy fëmijë 4 dhe 8 vjeç.
Babai i fëmijëve, nga Florida, kishte bërë denoncimin për vjedhjen e mjetit dhe rrëmbimin e fëmijëve të tij. Jonathan Pazmino Alvarez menjëherë kishte marrë masat për ndjekjen e personit që kishte marrë fouristradën.
“Daily Mail” shkruan se brenda pak minutash, i dyshuari, Kevin Smith u ndalua nga policia, e cila ndaloi trafikimin e fëmijëve.
Në momentin kur Alvarez hapi derën e automjetit, fëmijët i thanë menjëherë oficerit se makina nuk i përkiste burrit që ishte në timon. Policia i tha 37-vjeçarit që të dilte nga makina dhe të dorëzonte çelësat, por fillimisht nuk pranoi.
“Nuk jam unë”, përsëriste ai vazhdimisht, teksa Alvarez i thoshte: “Duhet të dilni nga makina”.
Por Smith vazhdoi të refuzonte urdhrat e oficerit për të dalë nga automjeti.
“Do të më godasësh me grusht!”, dëgjohet të thotë Smith në një video të postuar nga mediat e huaja, i cili njëkohësisht refuzoi të lëvizte nga sedilja e shoferit.
Alvarez e siguroi të dyshuarin se nuk do ta godiste me grusht dhe në vend të kësaj i vuri shpejt prangat. Teksa po bëhej arrestimi, dëgjohej një nga fëmijët në makinë duke i thënë oficerit: “Nuk është babai im!”.
Ndërkohë Smith përballet me një akuzë për vjedhje të automjetit dhe dy akuza për rrëmbim krimi. Fëmijët iu kthyen të sigurt babait të tyre menjëherë pas arrestimit të 37-vjeçarit.
“Kjo situatë mund të kishte qenë shumë më keq nëse nuk do të ishte për veprimin e shpejtë të ndërmarrë nga zëvendësi Pazmino Alvarez. Ai ndaloi atë që mund të kishte qenë një situatë e tmerrshme për çdo prind”, tha Sherifi Chad Chronister në një deklaratë.
