“Nuk emocionohem fare nga…”, Rama: Vuçiç do të vijë se s’bën në Samit! Mungesa do të ishte katastrofë për të dhe Serbinë

A i ndikon marrëdhëniet mes Edi Ramës dhe Aleksandar Vuçiç mungesa e Serbisë në Samitin BE-Ballkani Perëndimor?

Kësaj pyetje iu përgjigj sot kryeministri i Shqipërisë gjatë një bashkëbisedimi me gazetarët dhe qytetarët.

Ai u shpreh i bindur se pavarësisht deklaratave të Vuçiç, ai do të jetë patjetër në Tiranë më 6 Dhjetor.

“Unë nuk emocionohem nga asnjë deklaratë e politikanëve brenda apo jashtë. Aq më tepër kur bëhen për konsum të politikave të brendshme. Serbia do të jetë në Samit dhe presidenti i Serbisë nuk ka asnjë rrugë tjetër. Sepse e kundërta do të ishte katastrofë për Serbinë dhe atë vetë” – tha Rama.