Dy gola për kokë. Askush nuk e kishte imagjinuar, por ja që futbolli nuk është matematikë dhe shpeshherë 1+1 nuk bëjnë 2, por ndoshta 3, ndoshta 4… Pikërisht 4, aq gola sa Liverpool realizoi ndaj Barcelonas në gjysmëfinalen e kthimit të Champions League në “Anfield Road”.
Dhe, ato gola erdhën nga një dyshe që fushën do ta kishin parë me teleskop në rast se Firmino, Salah apo Keita nuk do të ishin dëmtuar. Por, ndonjëherë fati luan në favorin tënd dhe të jep mundësi që të ndryshosh historinë.
Ashtu si e bënë ata: Georginio Wijnaldum dhe Divock Origi. Holandezi dhe belgu bëhen dyshja e parë shok skuadre që ka shënuar një dopietë për kokë ndaj Barcelonas në të njëjtën ndeshje, në një sfidë Champions League.
/a.rada
