Kryeministri Edi Rama ka premtuar çuarjen deri në fund të reformës në drejtësi, duke garantuar se do të jetë ajo që do të merret me cilindo person, politikan apo zyrtar të lartë që ka haraçe për të paguar me drejtësinë.
“Asnjë shqiptar nuk do ketë paqe derisa të shohë politikanët që kanë bërë punë dhe zarare të mëdha, pra që kanë haraçe për të paguar të paraqiten para drejtësisë, por kjo nuk është histori të shkruash në FB, apo të kërkosh drejtësinë si ndodhte dikur.
Koha kur drejtësinë e bënte partia dhe vendoste kryeministri apo shumica se kush duhet të shkonte në burg ka vdekur në 1990”, ka thene prere Rama, gjate fjales se mbajtur sot ne Samitin e Diaspores.
Sipas Rames, “Sot eshte koha për të ndërtuar një sistem drejtësie si është në vendet nga ju ku keni ardhur dhe ne këtë po bëjmë”.
Rama nuk ka lënë pa shigjetuar ata që sipas tij flasin shqip, e në shqip guxojnë të ndajnë shqiptarët në patriotë e tradhtarë.
“Askush që flet shqip nuk duhet të guxojë që në shqip ti thotë një shqiptari unë jam patrioti dhe ti je tradhtari.
Nuk ka pasur, s’ka e s’mund të ketë asgjë më të rrezikshme dhe më penguese për shqiptarët se kur u dalin përballë shqiptarët dhe për hesapet e vogla të katundit, klubit, apo të mjedisit politik e marrin flamurin edhe e kthejnë në një armë për të luftuar me njëri-tjetrin se kush është patrioti e tradhtari, ëngjëlli e djalli”- tha ai.
/a.rada
