Presidenti rus Vladimir Putin ka bërë të ditur se Rusia kishte fuqi dhe burime të mjaftueshme për ta çuar luftën në Ukrainë në përfundimin e saj logjik dhe si rrjedhojë nuk do të jetë e nevojshme përdorimi i armëve bërthamore.
Në një film të transmetuar nga televizioni shtetëror për çerek shekullin e Putinit si lideri kryesor i Rusisë, me titull “Rusia, Kremlin, Putin, 25 vjet”, shefi i Kremlinit u pyet nga një gazetar për rrezikun e përshkallëzimit bërthamor nga lufta në Ukrainë.
“Ata donin të na provokonin, ashtu siç edhe ju e thatë, ata donin që ne të bënim gabime. Nuk ishte nevoja për të përdorur armët bërthamore dhe shpresoj që përdorimi i tyre nuk do të jetë i nevojshëm. Kemi fuqi të mjaftueshme dhe qëllime për të arritur atë që filloi në vitin 2022, në një konkluzion të logjikshëm me kërkesat që Rusia kërkon”, tha Putin.
Që nga fillimi i luftës në shkurt 2022, qindra mijëra ushtarë janë vrarë ose plagosur, fakt i cili ka alarmuar Presidenti i SHBA-së, Donald Trump, edhe pse ky i fundit nuk ka mundur dot ti japë fund kësaj lufte.
Ndërkohë, Presidenti ukrainas Volodymyr Zelenksy e ka quajtur “cinike” ofertën e Vladimir Putinit për një armëpushim tre-ditor që përkon me festimet që shënojnë 80-vjetorin e fitores ndaj nazistëve. “Rusët po bëjnë thirrje për heshtje më 9 maj, por ata vetë po e godasin Ukrainën çdo ditë. Ky është cinizëm i nivelit më të lartë”, shkroi ai në Telegram.
Sakaq, nënkryetari i Këshillit të Sigurisë Ruse, Dmitry Medvedev, ka bërë një kërcënim të ashpër ndaj Ukrainës në rast të një sulmi ndaj Moskës gjatë festimeve të fitores në Luftën e Dytë Botërore më 9 maj. Askush nuk mund të garantojë se kryeqyteti ukrainas, Kievi, do të mbijetojë deri më 10 maj, tha ish-presidenti dhe ish-kryeministri të shtunën në shërbimin e mesazheve të shkurtra Telegram.
