Nga zyra në fushë. Shefi i klubit të Domosdovës, Ardit Facja, vendos të rikthehet të luajë për skuadrën. Mungesa e disa lojtarëve dhe rregullorja e FSHF-së që ka vendosur limit për futbollistët jashtë qarkut ka bërë që Facja t’i rikthehet fushës. Edhe pse me vetëm 5 ditë stërvitje në këto 4 muaj, shefi i klubit Ardit Facja është detyruar të aktivizohet titullar me Këlcyrën.
“Kishim mungesa të theksuara në repartin mbrojtës dhe më duhej të aktivizohesha pasi nuk plotësonim 11-shen duke shënuar edhe një gol nga rreth 30 metra me goditje dënimi. Me atë përgatitje që kisha dhe moshën mbi supe quaj sukses të rezistoja pa u dëmtuar deri në fund. Golin ia dedikoj djalit tim të vogël”, tha Facja.
ma.me
