Avokati i Popullit u ka përcjellë autoriteteve përgjegjëse Raportin nga vizita më 7 dhe 19 tetor 2016 në Qendrën Korrektuese për Femra dhe të Mitur në Lipjan, e realizuar nga Mekanizmi Kombëtar për Parandalimin e Torturës (MKPT) i Avokatit të Popullit, në pajtim me nenin 17 të Ligjit 05/L-019 për Avokatin e Popullit.
Qendra Korrektuese në Lipjan për Femra dhe të Mitur është institucion i tipit gjysmë të hapur, i vetmi në Republikën e Kosovës ku janë të vendosur disa kategori të burgosurve, si: të miturit me masë edukative, të miturit e dënuar dhe të paraburgosur si dhe femrat e dënuara, të paraburgosura dhe të mitura.
Gjatë vizitës, MKPT thotë të ketë vërejtur se ekziston një atmosferë e tensionuar ndërmjet të miturve dhe zyrtarëve korrektues dhe ndërmjet vetë të miturve dhe e ka njoftuar drejtorin e Qendrës Korrektuese në Lipjan lidhur me këtë dhe ka kërkuar që të njoftohet me rezultatin e hetimeve, citohet Koha. (b.an)
