Lando Norris realizoi kohën më të shpejtë duke vendosur “pole position” në “United States Grand Prix”.
Piloti i McLaren ishte i paarritshëm në sesionin e 3 kualifikues që u mbyll me incidentin e George Russell në momentet e fundit. Norris mori vendin e parë me kohën 1’32”330 duke thyer kryesimin e Max Verstappen në sesionin e parë dhe të dytë kualifikues.
Mirëpo kur ai ishte më i ngadaltë në tentativën e dytë, askush tjetër nuk ishte në gjëndje të përmirësohej ndërsa flamuri I verdhë u shfaq pas daljes jashtë piste të Russell në kthesën 19. Fatmirësisht piloti i Mercedes nuk pati asnjë dëmtim nga ky incident.
Në këtë mënyrë Norris arriti të 7 “pole position” në karrierë dhe të 5 këtë sezon me një diferencë prej 0.031” nga Verstappen që la pas Carlos Sainz dhe Ferrari-n. Charles Leclerc plotësoi rradhën e dytë të nisjes përkrah spanjollit. Australiani i McLaren, Oscar Piastri dhe George Russell u renditën përkatësisht në vendet 5 dhe 6.
Provë force nga Pierre Gasly dhe Alpine që u vendosën në pozicionin 7 përpara Aston Martin të Fernando Alonso-s dhe Haas të Kevin Magnussen që u kualifikua për të parën herë këtë sezon në sesionin e 3 kualifikues. Ndërsa Sergio Perez nuk bëri më mirë se vendi i 10 për shkak të fshirjes së kohës pas daljes nga pista.
Yuki Tsunoda (RB) dhe Nico Hulkenberg (Haas) u eleminuan në përfundim të sesionit të dytë kualifikues. Ndërsa i kthyeri në pistë Liam Lawson (RB) u paraqit mirë në sesionin e parë por nuk vendosi asnjë kohë në të dytin edhe për faktin se ai do të niset i fundit pas ndërhyrjeve që janë bërë në motorrin e makinës së tij.
Në fund, befasia e këtyre Provave Zyrtare: eleminimi i Lewis Hamilton në sesionin e parë kualifikues. Kjo për shkak të vështirësisë që hasi sidomos në sektorin e dytë duke mos vendosur një kohë më të mirë se vendi i 16. Në këto kushte duket se do të jetë e vështirë, për të mos thënë e pamundur që ai të arrijë fitoren e 6 në këtë pistë. Kjo është rradha e nisjes për “United States Grand Prix”:
