Ditën e premte, me datë 26.08.2016, në orën 09:30, në Spitalin Amerikan në Prishtinë do të operohet xhudistia kosovare me famë botërore Nora Gjakova.
Operimin e Norës do ta realizojë Dr.Florin Ramadani – Ortoped si dhe ekipi i Reapartit të Ortopedisë së Spitalit.Operimi dhe trajtimi i mëtutjeshëm sponsorizohet nga Spitali Amerikan, në kuadër të marrëveshjes së bashkëpunimit në mes të Federatës së Xhudos së Kosovës dhe Spitalit Amerikan.
Kujtojmë që problemet e gjurit të Norës ishin pikërisht faktorët kyç që e penalizuan xhudisten në arritjet e synimeve të saj në Rion e 2016-së, andaj për ta bërë ëndrrën e Norës realitet, njëjtë siç realizuam edhe ëndrrën e Majlindës, Spitali Amerikan është në gatishmëri të plotë të ofrojë ndihmën e nevojshme të shërbimeve shëndetësore, referon Koha. (b.an)
