Gazetari Ardit Rada në një intervistë në “Edicioni i Fundit” në ABC News, komentoi postimin në twitter të gazetarit Marc Caputo, lidhur me non grata e Berishës.
Gazetari Rada u shpreh se e vlerëson si një reagim tejet qesharak, duke theksuar se non grata nuk hiqet me një postim.
“Një gazetar i panjohur për publikun shqiptar, ka bërë një twitter të tillë dhe 10 minuta pasi bëri këtë twitter doli lajmi nga portalet dhe mediat e Berishës. Por gazetari ka bërë edhe një gabim të pafalshëm dhe thotë se ka pyetur Departamentin Amerikan për Berishën dhe ka harruar ta pyesë për të gjithë familjen. Dhe një tjetër fakt është se Berisha nuk ka probleme vetëm me SHBA por edhe me Britaninë e Madhe. Berisha ka nisur beteja ligjore që i ka humbur, edhe në Francë kundër Blinken. Pra Berisha prapë nuk e kalon dot oqeanin”, tha ai.
Gjatë intervistës, komentoi edhe incidentin e ndodhur në mitingun e Berishës në Elbasan, ku u raportua se mbeti i plagosur djali i Luçiano Boçit.
Gazetari Rada tha se lista e PD në Elbasan po sjell frymën e dhunës. Më tej nënvizoi se zgjedhjet e 11 majit do të tregojnë se Partia Demokratike është në një situatë shumë të vështirë.
