Juria e Çmimeve Kombëtare të Letërsisë për vitin 2014 , një javë përpara organizimit të ceremonisë së ndarjes së çmimeve ka bërë publike emrat e kandidatëve të nominuar prej saj për marrjen e çmimeve ‘Vepra më e mirë e vitit’ dhe ‘Vepra letrare më e mire e vitit e përkthyer’. Ministria e Kulturës njoftoi ATSH-në se juria e përbërë nga znj. Dhurata Shehri, në cilësinë e kryetares së jurisë, dhe anëtarët: Parid Teferiçi, Arta Marku, Edmond Çali dhe Jeton Neziraj, ka shqyrtuar dhe përzgjedhur emrat e kandidatëve në mes të 1300 titujve, si nga letërsia artistike ashtu dhe nga letërsia artistike e përkthyer, të botuara gjatë vitit 2014.
Titujt për të dyja kategoritë të renditura në rend alfabetik:
Kandidatët për çmimin ‘Vepra më e mirë e vitit’
Histori (e)skatologjike – Arben Dedja
Poezi e zgjedhur – Ferik Ferra
Stina e hijeve – Virion Graçi
Vrima – Rita Petro
Kohë për nuse – Lazer Stani
Kandidatët për çmimin ‘Vepra letrare më e mirë e vitit e përkthyer’
Poezi – Paul Claudel – Romeo Çollaku
Mobi Dik- Herman Melville – Rudi Erebara
Pedro Paramo dhe Rrafshina në flake – Juan Rulfo – Bajram Karabolli
Ferdydurke – Ëitold Marian Gombroëicz – Edlira Lloha
Ne – Evgenij I. Zamatin – Agron Tufa.
Ceremonia e ndarjes së çmimeve do të mbahet në datën 12 dhjetor, ora 18:00 në ambientet e Ministrisë së Kulturës, duke ju referuar njoftimit.
