Deputeti i PD-së, Flamur Noka, ka thyer heshtjen disa ditore sot, pas publikimit të dokumentave që ai ka gënjyer në lidhje me formularin e dekriminalizimit. Kur të gjithë prisnin që ai të jepte shpjegime për fshehjen e të dhënave që ka qenë i kontaktuar nga UDB për tu rekrutuar, në fakt ai ka dalë krejt për tjetër gjë, për të ngritur shqetësimin e D-së për trafikun e drogës në shqipëri. Sipas tij, ajo që po vihet re është se krahas trafikut të drogës po zhvillohet edhe trafiku i armëve.
“Pak muaj më parë prokurori antimafias deklaroi se armë drogë po vinë lumë nga Shqipëria. Bandat e trafikantëve të Tahirit dhe Ramës po i shtojnë bonus trafikut të drogës dhe trafikun e armëve. Vendi po zhytet në pasiguri, ndërsa Rama jep leksione për siguri në NATO. Shqipëria është tashmë vendi i parë në trafik. I kam kërkuar Ramës të nis monitorimin e mbjelljeve të drogave. Nuk ka asnjë monitorim. Pjesë e biznesit të drogës është bërë edhe ajo e armëve. Zgjidhja është e shqiptarëve. Pastrimi i këtij vendi nis nga tahirët”, deklaroi Noka.
ma.me
