Deputeti demokrat Flamur Noka e ka cilësuar kryebashkiakun e ri të Dibrës si të birin e një vampiri komunist që u ka pirë gjakun qytetarëve dribranë. Në aulën e parlamentit, Noka ka hedhur akuza të forta kundrejt qeverisë, duke thënë se në zgjedhjet e Dibrës u blenë votat përmes intimidimit të qytetarëve.
“Ore mos keni bërë ndonjë magji ju në Dibër?! Cili është bilanci juaj në Dibër gjatë këtyre 3 viteve? Jo zero, por bilanci është negativ. I keni zhytur dibranët në varfëri te tejskajshme.
Pse e bëtë?! Strategjia e këtij të gjatit! Ti varfërojmë, që ti poshtërojmë dhe t’i sundojmë. Dhe pastaj i bletë kollaj, sepse nuk ka shpjegim tjetër.
Bëmë fushatë për një muaj, takuam qytetarët e Dibrës, na hapën dyert e na pritën… juve nuk ju panë gjëkundi, u fshehët… diskutonim ore ku janë këta, pse nuk ndjehen në Dibër?
Nuk kishit nevojë ju të bënit fushatë, nuk kishit nevojë ju për kandidat si tonin, ju kishit Rremën… po kush është ky Rrema… I biri i një vampiri komunist që kishte pirë gjakun e Dibranëve!!!
I keni kërcënuar jo vetëm me heqje nga puna, por edhe me heqjen e asistencës dhe pensioneve. Ju nuk keni as turp, por vini edhe mburreni, për ata njerëz që keni kërcënuar për bukën e gojës.
Për herë të parë në 12 vitet e fundit, policia ishte në këmbë për të kërcënuar qytetarët për votën… një bandit për shef komisariati, që kishte dhe bandat e arat e drogës… si do e luftoni ju drogën në Dibër, kur shefi i policisë ishte pronari i parcelave të drogës?!”-tha Noka./java/a.k
