Noka: Makinën e trafikut e ka përdorur edhe babai i Saimir Tahirit
Edhe në seancën e sotme parlamentare në qendër të akuzave të opozitës është sërish ministri i Brendshëm Saimir Tahiri.
Ish-ministri i Brendshëm demokrar, Flamur Noka, e akuzoi Tahirin si të përfshirë në trafikun e drogës.
“A ka njeri që të jetë njeri i etiketuar si i tillë dhe të jetë i përfshirë në çdo skandal, a ka njeri që ka gënjyer si ky zotëria këtu? E kam shitur tha makinën, …si mund të shesësh ti makinë e t’ja lësh ta pëprdorë një personi që është i skeduar si trafikant? Edhe në TIMS rezulton se i ati i tij e ka përdorur tani, pra e ka përdorur ky, familja e tij, deri para një muaji. Kjo dmth që ky kryetrafikant i jep makinën trafikanteve dhe iu thoët po iu jap imunitetin. Sot e kësaj ditë ajo makinë do ishte duke bërë trafik. Ditët i keni të numëruara…do vijë shumë shpejt dita që s’do ketë shqiptar që ta pranojë as Ramën për kryeministër, as ju për mazhorancë”,- tha Noka.
Sipas tij, ekziston edhe një raport i partnerëve ndërkombëtare për bandat e krimit të organizuar. “Është po raporti i partnerëve që thotë se në Shqipëri sot që po flasim bandat e krimit të organizuara janë më të mirëarmatosura se ushtria e SHBA dhe lëvizin lirshëm nëpër qytete, trafiku është problem dhe Shqipëria është bërë mbretëria e prodhimit të hashashit në Europë, prokurori italian tha se Shqipëria është kanal i trafikuar të drogës dhe armëve, a janë këto realitete, a është e vërtetë se cdo shqiptar ndihet më i pasiguruar se kurrë, shikoni formularët që aplikojnë në Gjermani, nuk janë vetëm pa bukë, por kanë frikë të jetojnë këtu Shqipëria në 2012 nuk preferohej si kanal trafiku, trafikantët nuk kanë siguri dhe kërkojnë kanale të tjera, cfarë ndodh sot ja ku e keni kryetrafikantin”, tha Noka.
