Deputeti i Partisë Demokratike Flamur Noka ka akuzuar kryedemokratin Lulzim Basha se ka përdorur gaz karbonik helmues ndaj protestuesve.
I ftuar në “Top Talk”, Noka tha se njerëzit që dilnin në ballkone e dritare për të larguar protestuesit hidhnin gaz karbonik.
“Për çfarë sakrifikuan demokratët? Për çfarë luftuan 8 vite që të ushqehet Luli dhe demokratët të rrinë rrugëve? Po ke parë në një vend demokratik që njerëz të paautorizuar të përdorin gaz lotsjellës? Ku e gjetën këta? Pe ndonjë prej protestuesve të kishte gaz lotsjellës? Ku e gjetën? Jua ka dhënë Edi Rama.’
Bombolat zjarrfikëse janë të gjitha me bazë karboni dhe janë lëndë helmuese për trupin. Unë jam mjek. Të gjitha janë me bazë karboni dhe janë helmuese. Pra Lulzim Brava ka helmuar qindra dhe mijëra demokratë atë ditë. Kjo është e faktuar,”- tha Noka.
Më 8 Janar në selinë e PD, ndodhi një situatë e paprecedentë me dhunë e të lënduar, ku për më shumë se 3 orë pati përplasje mes mbështetësve të Berishës me ata të Bashës që ishin brenda godinës.
Megjithatë protestuesit u larguan me mbërritjen e rreshtimin e Policisë së Shtetit në oborrin e PD-së, ku edhe nisën menjëherë veprimet për hetim.
Për disa orë, selia e PD ishte e mbushur me efektivë policie dhe hetues, ndërkohë që Basha akuzoi ish-kryeministrin Berisha për të gjitha sulmet dhe trazirat e shkaktuara./m.j
Ti nuk je mjek por toc.Je organizator i sulmit mbi PD dhe do denihesh sic e meriton