Deputeti i Partisë Demokratike, Flamur Noka ka komentuar masat e sigurisë të përcaktuar nga SPAK ndaj ish-ministrit të Shëndetësisë, Ilir Beqaj, duke e cilësuar si një stardart ulëritës.
I ftuar në studion e emisionit “Kjo javë” në News 24, Noka tha se “standardi që po ndjek drejtësia e re politike për ish-ministrin e Edi Ramës dhe shokun e ngushtë të tij të fëmijërisë është një standard ulëritës”.
Ndër të tjera ai u shpreh se Jamarbër Malltezi është në burg për pronën e tij, ndërsa koncesionet në shëndetësi janë megavjedhje.
“Jamarbër Malltezi nuk u ka vjedhur asnjë cent qytetarëve shqiptarë. Nuk ka lidhje me asnjë tender dhe është në burg. Ndërsa këtu flitet për qindra milionë euro të bëra rrush e kumbulla, dhe ai nuk preket”, tha ai.
“Sigurisht që standardi që po ndjek drejtësia e re politike për ish-ministrin e Edi Ramës dhe shokun e ngushtë të tij të fëmijërisë është një standard ulëritës. Kjo tregon se skapi i partisë është fiks siç i kemi thënë ne skapi i partisë. Prej kohësh është nën arrest ish-zv/ministri dhe pronari i koncesionit.
Është një megavjedhje dhe është bërë një kujdes i madh që ministrat përjashtuar Ter Kokën që ishte një lojtar i importuar apo përjashto Ahmetajn që u shpall armik.
Ilir Beqaj sot është qytetar i këtij vendi, ndërkohë që Jamarbër Malltezi pse mori pronën e tij u arrestua si krye kriminel dhe sot është në burg dhe pse është dhëndri i Sali Berishës, sot është në burg. Jamarbër Malltezi nuk u ka vjedhur asnjë cent qytetarëve shqiptarë.
Nuk ka lidhje me asnjë tender dhe është në burg. Ndërsa këtu flitet për qindra milionë euro të bëra rrush e kumbulla, dhe ai nuk preket.
Ky është standardi që ka drejtësia e re politike. Njoftohen që do të arrestohesh dhe u bëhet deklarata nga zyra e Fugës dhe mënyrë skllavërore e lexojnë me devotshmëri dhe pastaj shkojnë… Edhe Terit kështu ia kërkuan por në fund e shitën”, theksoi ai./m.j
