Një djalë vetëm tetë vjeç po përgatitet për të filluar universitetin pas një viti e gjysmë që ju desh për të përfunduar shkollën e mesme.
Laurent Simons, nga Belgjika ka një koeficient inteligjencë prej 145 dhe e ka marrë diplomën e gjimnazit në një klasë me 18-vjeçarët.
Atij do ti duheshin edhe gjashtë vite për të përfunduar shkollën, por falë aftësive të tij, vetëm në pak kohë do të nisë universitetin.
8-vjeçari thotë se më përpara dëshironte të behej kirurg ose astronaut, por tani do të vazhdojë universitetin për degë kompjuterike, pasi lënda e tij e preferuar në shkollë ishte matematika sepse në të gjen statistika, gjeometri dhe algjebër.
Koefiçenti më i lartë i inteligjencës është 160 dhe këtë numër e ka arritur vetëm fizikanti Albert Ajnshtajn, ndërsa djaloshi 8-vjeçar ka një diference prej vetëm 15 pikësh nga personi që mban vendin e parë si më i zgjuari në botë.
a.ç
