Njësia Bashkiake 8 në Tiranë në bashkëpunim me Shoqatën “Alternativa e së Ardhmes” ALSAR, me rastin e muajit të Madhëruar të Ramazanit vijon të kontribuojnë ndaj familjeve në nevojë.
Këtë herë përfitues kanë qenë 300 familje të njësisë administrative numër 8 në Tiranë.
Ky program u mundësua falë kontributit të ofruar nga Shoqaten ”Alsar” në bashkëpunim me Njësinë Bashkiake 8 ku kanë shpërndarë pako ushqimore për familjet në nevojë të kësaj njësie. Kjo tashmë është kthyer në një traditë të përvitshme të kësaj shoqate, ku krahas ndihmave të tilla të paketuara, shtrohen edhe darka dhe iftare për njerëzit e në nevojë.
Njesia Bashkiake 8 jo vetëm me anë të kësaj nisme por edhe me nisma të tjera premton se do ju gjendet pranë familjeve më në nevojë, për të ndikuar sadopak që diçka të ndryshojë në jeten e tyre. (java / r.a)
