Pascal Boehm, 25-vjeçari nga Gjermania që punon si roje sigurie, nuk lejoi sulmuesin vetëvrasës Mohamed Daleel të futej në festivalin e muzikës në Ansbach. Me këtë veprim u ka shpëtuar jetën plotë 2.500 personave.
“Filloi të belbëzojë me nervozizëm. Nuk e lejova të futet brenda pasi më dukej i dyshimtë, por edhe biletë nuk kishte pasur. U largua disa metra larg meje duke menduar se do ta lejoj të futet më vonë. Por ai vazhdimisht mbante në dorë një telefon, me të cilin kohë pas kohe bisedonte me dikë”, deklaron Boehm për të përditshmen gjermane “Bild”.
Heroi gjerman ka pranuar se si Daleel sillej “çuditshëm dhe vazhdimisht shikonte nëse dikush po e vëzhgonte”.
Telegrafi/d.i.
