Tri ditë më parë mediat njoftuan rastin e nje qytetari nga Elbasani ndaj te cilit u vendos sekuestro preventive për një llogari bankare në sasinë 100 mijë euro pas blerjes se nje makine tip Ferrari.
Prokuroria veproi bazuar tek dyshimi i logjikshem mbi origjinen e parave duke qene se shtetasi ne fjale ka vetem një biznes të vogël familjar me lojëra kompjuterike, te ardhurat prej te cilit nuk e justifikojne këtë blerje.
“Të ardhurat që sipas ligjit, shtetasi A. Toli duhej të kishte krijuar, nuk mund të jenë më shumë se 8 milionë lekë në vit, ndërkohë që ai rezulton se ka bërë një shpenzim në shumën e 100 mijë eurove për blerjen e një sendi luksi. Është krejtësisht i pajustifikueshëm ky shpenzim, referuar aktivitetit të tij tregtar,” thotë prokuroria.
Dhe shtoi per mediat se po vijon hetimet për të zbuluar origjinën e shumës.
Ne prill te ketij viti u ngriten te njejtat dyshime per shuma te medha parash te pajustifikuara, mbi deputetin demokrat Ridvan Bode.
Behej fjale per plot 120 milione leke te reja (1.2 miliarde)
Ndaj ish ministrit u be edhe kallëzim penal në Prokurori nga Inspektorati i Lartë i Deklarimit dhe Kontrollit të Pasurive dhe Konfliktit të Interesave (ILDKPKI).
Kjo pasi z.Bode nuk arriti te jape shpjegimet e kërkuara nga Inspektorati, lidhur me burimin e krijimit të kesaj pasurie si dhe të paraqiste dokumentacionin justifikues-ligjor për to.
“Dita” pas një kërkese zyrtare të përcjellë në ILDKPKI, ka në dispozicion të gjithë deklarimet e ish-ministrit ndër vite.
Rezulton se Bode qe e ka nisur detyren si i pastrehe, ne deklarimin e fundit te pasurise si minister kapte shifren e 1.2 miliarde ne emer te gruas se dyte.
Në deklaratën e tij të vitit 2005 kur dhe mori postin e Ministrit të ardhurat e vetme ishin nga paga si ministër dhe deputet si dhe kursimet në vlerën 900 mijë lekëve.
Vit pas viti pasuria e tij është vërtitur rreth të ardhurave familjare të siguruara nga puna si ministër dhe deputet. Madje në vitin 2007 ai ka marrë dhe një kredi bankare në një shumë 30 mijë euro, ku sipas vetëdeklarimit të tij është përdoruar kryesisht për blerjen e një autoveture.
Deklarimi i pasurisë së tij është fokusuar kryesisht në krijimin e llogarive rrjedhëse, depozitave bankare dhe të ardhurave të krijuara nga këto depozita.
Ne vitin 2012 ish ministri ka nisur investimin e tij në bono thesari, ku pjesë e këtij lloj investimi janë bërë dhe familjarët e tjerë.
Por duke hedhur një vështrim të pasurive të viteve të mëparshme, vlera e fituar nga investimi në bono nuk është në të vërtetë e krahasueshme me pasurinë e trashëguar nga viti në vit.
Deklarata e vitit 2013 kur dhe shënoi vitin e fundit si Ministër ka rritje të investimeve dhe fitimeve nga bonot e thesarit dhe po kështu mbyllje të kredisë së të pastrehut.
Pasuria e deklaruar ku për herë të parë është dhe pasuria e zonjës Bode kap shifrën e 120 milionë lekëve (1.2 miliarde leke te vjetra) dhe pjesa më e madhe e tyre mbetet e pajustifikuar në deklarimet e mëparshme të pasurisë.
Kjo vlerë e deklaruar përnjëherë ka çuar në kërkesën për hetim nga Prokuroria.
Ku i gjeti bashkeshortja e dyte e Bodes 1.2 miliarde leke?
Perse nje shtetas i thjeshte duhet te shkoje ne burg per 100 mije euro te pajustifikuara dhe nje ish-minister jo?
Deklarata e pasurise e z.Bode mund te lexohet ketu
Marrë nga gazeta DITA
