Nga Laura Musa
Qeni mund të jetë miku më i mirë i njeriut, por historia është shkruar nga kuajt. Roli I tyre ka qënë vendimtar në ushtri,në civilizimet e hershme , për këtë ato trajtoheshin dhe respektoheshin si një qënie njerezore dhe si një ushtar.
Kuajt janë krijesa mjaft të bukura, të mencura, fisnike dhe kryelarta. Jo më kot kanë frymëzuar artistë e poetë të shkruajnë për to dhe jo më kot kanë shoqëruar njerëzimin për shumë kohë. Na bëjnë të njohim veten tonë dhe të shohim në brendësi. Ka shumë aktivitete sociale që lidhen me kuajt. Ato na krijojnë lidhje me admirues të tjerë të tyre. Lidhje, të cilat I kapërcejnë cdo dallim kulturor apo shoqëror. Me pak fjalë përfshirja e kuajve në jetën tonë e bën atë më të shëndetshme.
Kuajt dhe njeriu ndajnë një mardhënie komplekse duke përdorur një gjuhë të vecantë për të komunikuar. Në të kaluarën kuajt janë përdorur shumë për punë, përdorimin e fuqisë së tij për punët në fermë. Nëpërmjet kontaktit fizik midis njeriut dhe kalit krijohet një lidhje e vecantë e besimit të ndërmjetëm. Gjithashtu përvec kontaktit fizik në këtë lidhje dhe komunikim futet edhe vështrimi , perceptimi I tingujve, dhe toni I zerit.
Gjithnjë e më shumë terapia me kuajt për njeriun bëhet më e pranueshme në trajtimin e disa sëmundjeve si sindroma Asperger, autizmi, dhe crregullime të tjera neurologjike. Që nga lëvizjet e kalit e deri te lidhja emocionale dhe sociale me kafshën, terapia me kuaj u ofron fëmijëve dhe personave më të rritur një mënyrë për tu lidhur me botën dhe kordinimin e lëvizjeve gjatë kalërimit.
Gjithashtu kuajt janë përdorur në trajtimin e fëmijeve me kancer. Kontakti I tyre me kuajt rrit sistemin imunitar dhe rrit prodhimin e endorfines e cila jep ndjënjen e lumturisë dhe gjallërisë.
Kuajt janë të ngjashëm me ne përsa I përket shprehive të fytyrës. Studiuesit kanë arritur të gjejnë shprehi të ngjashme në lëvizjet e buzëve dhe syve.
Ata janë paksa të komplikuar, por kafshë të mrekullueshme që kërkojnë shumë kujdes dhe vëmendje. Kujdesi për kuajt tuaj përfshin mirëmbajtjen , të ushqyerit, trajnime, dhe kujdesin shëndetësor.
Pastrimi përfshin lëkurën, krifën, bishtin, thundrat. Mund të bëhet duke përdorur një furcë e cila ndihmon në heqjen e papastërtive nga sipërfaqja dhe duke e mbajtur lëkurën të shkëlqyeshme. Përsa i përket pastrimit të krifës dhe bishtit mund të bëhet me përdorimin e krëhërit dhe furcës që mundësojnë mbajtjen e tyre të butë. Mirëmbajtja e thundrave përfshin largimin e ndonjë trupi të huaj si për shëmbull guri, ose druri dhe shkrurtimin e thundrave cdo 8 javë. Nëse është e nevojshme mund të bëhet larja e kalit me shampo apostafat, dhe për të shmangur shampon nga sytë, përdorim një pecetë të lagur për pastrimin e fytyrës.
Uji dhe ushqimi. Sigurohuni që ushqimi është i lirë nga myku dhe papastërtitë sepse jo vetëm që kuajt e refuzojnë atë por edhe shkakton probleme të tjera. Ushqimi është në varësi të madhësisë dhe ngarkeses së punës apo aktivitetit fizik. Më shumë punë kërkon më shumë energji për rrjedhojë më shumë ushqim. Vakti duhet të jetë i rregullt cdo ditë dhe është mjaft e rëndësishme të mos e ushqejmë kalin për të paktën një orë para dhe pas aktivitetit fizik. Nëse është e nevojshme ndryshimi i dietës së kalit kjo arriKuajt të ndryshojnë jetën. Ata na japin besim dhe vetë-respekt.
Ata ofrojnë paqe dhe qetësi për shpirtrat e trazuar. Ato na japin shpresë!
het shkallë shkallë duke zëvendësuar 25% të ushqimit të vjetër me ushqim të ri. Më pas 50%, 75 % dhe 100 %. Asnjëherë në ndryshime drastike pasi çon në probleme dhe dhimbje barku.
Lidhja dhe afrimiteti me kalin tuaj. Kaloni ca kohë me të. Përkëdheleni të veshët, në fytyrë dhe bëjeni si diçka të përditshme. Kalit do i pëlqejë dhe shumë shpejt do merrni feedback nga kjo sjellje kundrejt tij.
Trajnimi. Duhet të jeni të durueshëm dhe të qeteë gjatë trajnimit të kalit tuaj. Ai mund të frikësohet nëse ju jeni nervoz apo i mërzitur, kështu që është shumë e rëndësishme për ju të qendroni të qetë dhe optimist. Përdorni një shalë me cilësi të mirë për të marrë maksimumin gjatë trajnimit. Nëse kali nuk ëshë komod atëherë ai nuk do ta ketë vëmëndjen dhe do të jetë i hutuar në komandat që i thoni.
Kontrolli mjekësor. Kuajt duhet të kontrollohen te veterineri në menyrë periodike te veterineri për parazitë. Vaksinimi sipas vendodhjes gjeografike, udhëtimeve për shëmbull kundër tetanozit, tërbimi , encefalomielitit të kuajve, rhinopneumonitis.
Duhet të ndërgjegjësohemi se në këtë botë nuk jemi vetëm. Janë edhe miqtë tanë me 4 këmbe ku, edhe pse janë të paafta për tu shprehur me të njëjtën gjuhë me ne, përsëri arrijmë të komunikojmë nëpërmjet gjuhës së trupit apo simbolikës . Kryesorja është të kultivojmë në mëndjen dhe ndërgjegjen tonë respektin dhe kujdesin ndaj tyre, të cilat arrijnë ta perceptojnë.
Kuajt të ndryshojnë jetën. Ata na japin besim dhe vetë-respekt.
Ata ofrojnë paqe dhe qetësi për shpirtrat e trazuar. Ato na japin shpresë!
