Kryeministrja italiane u prit këtë të hënë nga homologu i saj në Shqipëri Edi Rama në Vlorë. Ajo u shkëput nga pushimet e saj me familjen në një fermë në Puglia dhe erdhi me traget në portin e Vlorës.
Kryeministrja Giorgia Meloni i lejoi vetes një vizitë në Shqipëri gjatë pushimeve të saj puliane në një fermë në Ceglie Messapica, në zonën e Brindisit
. Në fakt, kryeministrja do të kishte përfituar nga afërsia me Shqipërinë për të marrë një traget të planifikuar, dhe për të mbërritur në portin e Vlorës nga Brindisi, ku e pret kryeministri Edi Rama.
Sipas OPEN ishte ai që së fundi i tregoi Il Foglio-s për harmoninë e veçantë me kryeministren italiane dhe për dtesën që i kishte bërë me rastin e pushimeve të saj në Pulia: “Meloni më tha se do të bënte gjithçka për të ardhur të përshëndetej, pasi do të qëndrojë në Pulia”, kishte thënë kryeministri shqiptar. Në udhëtimin e shkurtër në Shqipëri do të merrnin pjesë edhe motra Arianna dhe bashkëshorti i saj, ministri Francesco Lollobrigida.
Kjo vizitë ka marrë vëmendje edhe në mediat italiane, por më së shumti në rrjetet sociale. Mediat italiane ironizuan të parën e qeverisë me postimin ironik të pak ditëve më parë të Ramës i cili kishte krahasuar pushtimin e turistëve italianë në Shqipëri me zbarkimet e emigrantëve shqiptarë në vitin 1991.
Këtu kanë lindur edhe memet, si ajo që kryeministrja i drejtohet partnerit të saj në plazh: “Njëqind euro për një çadër dhe dy shezllone? Giambru çoje b*thën dhe le të shkojmë në Shqipëri”/m.j
#Meloni lascia la #Puglia e parte in traghetto per Valona: visita in #Albania, ospite del presidente Rama. pic.twitter.com/dslfwZUEiD
— Gimmoriso’ (@Fawollo1) August 14, 2023
