Ministri i Mbrojtjes, Oleksii Reznikov deklaroi se kontingjenti i dytë i armëve nga Shtetet e Bashkuara të Amerikës mbërriti në Ukrainë në kuadër të ndihmës mbrojtëse, vlera e të cilave është 200 milionë dollarë.
Uashingtoni ka thënë se do të vazhdojë të mbështesë Ukrainën në mes të shqetësimeve nga Kievi dhe aleatët perëndimorë mbi grumbullimin e trupave ruse në kufirin e Ukrainës.
“Një tjetër zog në Kiev! Më shumë se 80 tonë armë për të forcuar aftësitë mbrojtëse të Ukrainës nga miqtë tanë në Shtetet e Bashkuara! Dhe ky nuk është fundi”, ka shkruar Reznikov në Twitter.
The second bird in Kyiv! More than 80 tons of weapons to strengthen Ukraine’s defense capabilities from our friends in the USA! And this is not the end 😌 🇺🇦🤝🇺🇸
P.S. the cargo arrived under dependable protection 🐶@WhiteHouse @congressdotgov @USEmbassyKyiv @UKRintheUSA pic.twitter.com/ReNaj9tRds— Oleksii Reznikov (@oleksiireznikov) January 23, 2022
Pjesa e parë e rreth 90 tonëve ndihma ushtarake amerikane, përfshirë municionet, mbërriti në Ukrainë të shtunën.
Në media janë publikuar ditën e djeshme disa video të ushtarëve amerikanë, të cilët shihen duke inspektuar fushat e betejës së homologëve të tyre ukrainas. Në krah të këtyre të fundit janë reshtuar edhe Estonia, Letonia dhe Lituania, të cilat thanë se do të përforconin Ukrainën duke dërguar raketa amerikane me bekimin e vetë Shteteve të Bashkuara.
Në një kohë kur frika për një pushtim rus në Ukrainën lindore po rritet pasi të paktën 100,000 trupa ruse kanë rrethuar Ukrainën, Moska i ka mohuar akuzat. Madje bën thirrje për garanci ligjërisht të detyrueshme sigurie nga SHBA dhe NATO.
g.kosovari
