Një turiste gjermane e cila kishte zgjedhur të vizitonte bukuritë e veriut të Shqipërisë së bashku me bashkëshortin e saj, mbeti e lënduar pasi u rrëzua aksidentalisht nga lartësia.
Sipas policisë ajo u rrëzua në pyll në vendin e quajtur Kërshi i Oldës në Çerem të Tropojës raporton Express. Menjëherë në vendngjarje mbërritën shërbimet e Policisë Kufitare Tropojë, ku i kanë dhënë ndihmën e parë. E dëmtuara është transportuar me ambulancë drejt Spitalit Civil Tropojë, për ndihmë të mëtejshme, e cila ndodhet jashtë rrezikut për jetën.
Turistja gjermane me inicialet A.D., 48 vjeçe, banuese Hofheim ndodhej si turiste në Valbonë me bashkëshortin.
