Media shqiptare ka fotografuar një skulpturë të rrallë të Ibrahim Kodrës, e cila është vendosur në lulishten para Bankës së Shqipërisë, ditët e fundit.
“Kjo skulpturë ka qenë pronë e një koleksionisti shqiptar, i cili ka në fondin e tij dy nga skulpturat e tij”, ka rrëfyer për shqiptarja.com piktori i njohur Ardian Isufi, i cili kohë më parë kishte hedhur një projekt-ide që sugjeronte skulpturën e tij të njohur “Big Bang”-un, pjesëmarrëse në bienale të ndryshme. Ideja e Isufit kishte pikënisje denoncimin e ngjarjes së rëndë të grabitjes së Bankës Kombëtare disa muaj më parë. “Por meqë vepra ime u kontestua edhe nga rrethet artistike, u diskutua të vihej vepra e Ibrahim Kodrës.
Ibrahim Kodra u lind më 1918 në Ishëm të Durrësit dhe ndërroi jetë më 2006. Fëmijërinë e tij e kaloi në oborrin e mbretit Zog, nga i cili edukohet e shkollohet fillimisht në studime shkencore dhe më pas bën shkollën e artit Odhise Paskali. Në moshën 20-vjeçare fiton bursë studimi në Milano, në Akademinë e Arteve të Bukura të Breras.