“Celtic kundër Borussia Mun, Monc, Meunch… një skuadër gjermane”, shkruhej me shkumës në tabelën e një pubi në Glasgou për ndeshjen e parë midis dy skuadrave. Shkruesi dukej se nuk arrinte të shkruante emrin e vështirë Moenchengladbach dhe i dha një zgjidhje më të thjeshtë.
Por Borussia është përgjigjur me të njëjtën monedhë mbrëmë, para takimit të kthimit, ndonëse në rastin e Celtic nuk ka vështirësi për të shkruar emrin.
“Borussia vs a Skot, a Scottisch, a Schott, Celtic”, shkruhej në tabelë, fotoja e së cilës u postua në llogarinë e klubit në Twitter, me shënimin “U përpoqëm”.
Por, përtej humorit, rasti u shndërrua në një çështje krenarie për tifozët dhe klubi gjerman e shfrytëzoi më së miri në marketing.
Në dyqanin e klubit dolën një numër artikujsh të ndryshëm me mbishkrimin “A German team”, të cilat janë blerë menjëherë nga tifozët.
d.i.
“Një skuadër gjermane”, Borussia “hakmerret” ndaj Celtic por edhe bën pará nga emri i vështirë
