Një shishe shampanjë franceze 100-vjeçare shitet për 116 mijë dollarë!
Një shishe shampanjë ”Krug” e vitit 1915 u shit sot në ankand për 116 375 dollarë. Shishja e shampanjës shitur gjatë një ankandi të organizuar nga shtëpia e ankandeve ”Sotheby’s” nuk ka dalë kurrë nga qilarët e shtëpisë ”Krug”, që kontrollohet sot nga grupi LVMH. Blerësi i kësaj shampanje, emri i të cilit nuk u zbulua, do ta marrë nga shtëpia ”Krug” për të konsumuar me tre të ftuar nga ana e tij.
Në vitin 2011, një shishe nga ”Veuve-Clicquot 1841” u shit për 30 000 euro, një shumë e konsideruar si rekord. Në vitin 2008, shtëpia ”Acker Merrall & Condit” kishte dhënë në Nju Jork dy shishe nga ”Dom Pérignon Rose” të vitit 1959 për 84 700 dollarë, por sipas normës së interesit në atë kohë, kjo shumë ishte rreth 54 000 euro, më pak se shuma e ”Veuve-Clicquot 1841”. Shishja nga ”Veuve-Clicquot” kishte kaluar, sipas vlerësimeve, rreth 180 vjet nën ujë nën qoshet e një anijeje jo shumë larg brigjeve finlandeze.