Një shans për biznesin e vogël, të vetëdeklarojë mallin
Të gjithë ata që kanë mall pa faturë, mund ta vetëdeklarojnë atë deri më datën 31 dhjetor me çmimin real dhe të vijojnë punën rregullisht.
Kjo është bërë e ditur nga deputeti Erjon Braçe. “Zgjidhje e rëndësishme për mallrat pa faturë. Votohet sot. Një tjetër zgjidhje për biznesin e vogël kryesisht. Mos mbyllni qepenat e dyqanit apo magazinës me mall pa faturë. Vetëdeklaroni mallin me anë të një autofature me çmimin real dhe vijoni punën rregullisht. Për çdo tregtar që gjatë këtyre ditëve më ka shkruar mbi problemin e mallrave pa faturë që disponon.
Në nenin 16 të projektligjit, shtohet pika 5 me këtë përmbjatje: “Përjashtimisht për tatimpaguesit, të cilët me vullnetin e tyre bëjnë vetdëklarimin e mallit që kanë gjendje pa dokumente tatimore, me anë të një autofaturë brenda datës 3i dhjetor 2015, nuk do të zbatohen penalitetet e përcaktuara”, shkruan deputeti socialist.
