• Kontakt
  • Kreu
  • Rreth Nesh
Wednesday, November 11, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Editorial

Një problem i vjetër dhe i ri

by S M
01/02/2019 12:25
Shperndaj ne FacebookShperndaj ne Twitter

Nga Skënder Minxhozi/

Dikur problemi paraqitej ndryshe. Kreu i opozitës nuk ishte fare në sallën e Kuvendit. Ndodhej në bashki, e kjo e pengonte të ishte njëherësh edhe deputet. Sot, kur nga zgjedhjet e fundit të përgjithshme kanë kaluar 19 muaj, Lulzim Basha ka një tjetër problem. Në fakt nuk është as problem i ri dhe as i panjohur: rivalitetin e paraardhësit.

Kush e pa degjenerimin e seancës së fundit të parlamentit në një lumë sharjesh e fyerjesh ku u përfshinë të gjithë, panë se përtej fjalëve të ndyra e akuzave të skajshme, ndodhi një fenomen që e kemi parë shpesh të konsumohet pas vitit 2013. Sa herë që Berisha ngre tonet në prezencë të kryetarit të Partisë Demokratike, ky i fundit futet në krizë. Më saktë, në krizën e heshtjes dhe të mpakjes. Kjo ndodhi e qartë si drita e diellit edhe të enjten e fundit, kur Rama e Berisha ju “futën” njëri-tjetrit me libër shtëpie, në një nga përplasjet më të shëmtuara të viteve të fundit. Të dy krerët në fjalë i ngacmuan grupet e deputetëve, të cilët nuk kursyen duartrokitjet, ndërkohë që shefi zyrtar i opozitës vështronte i heshtur dallgët e entusiazmit partiak.

Është folur e shkruar shumë për dualizmin në kokën e Partisë Demokratike pas vitit 2013. Shpesh kjo rrethanë është komentuar si më kryesorja në profilin e munguar të Lulzim Bashës. Dhe e gjitha kjo ka një arsye. Berisha dhe hija e tij e kanë shbalancuar, turbulluar dhe shkundur rregullisht formatin që Basha është munduar të krijojë me kalimin e viteve në poltronin që më parë i takoi për 22 vjet liderit historik. Natyrisht, siç u pa dhe të enjten, as Berisha s’e ka ndihmuar fare në këtë drejtim. Ai ka vazhduar të bëjë zhurmën e tij, duke i rënë “teneqeve” të rrjetit social, ka vijuar të mbajë fjalime të forta dhe plot kërcënime për qeverinë, duke e kushtëzuar qartë dhe drejtpërdrejt edhe sjelljen e Bashës.

Oktavat e zërit të Berishës, ato që ai thotë dhe bën, kanë qenë pasqyra me gropa ku Lulzim Basha ka parë profilin që duhej të ndiqte por që (për fat të mirë), s’e ka ndjekur dot deri tani. Çeshtje moshe, formimi dhe pamundësie për të prodhuar energjinë negative që Sali Berisha ka ditur të hedhë mbi kokat e shqiptarëve që nga dita e parë e tranzicionit shqiptar.

Sali Berisha vazhdon ta tërheqë PD drejt një të shkuare që sot, kur opozita ndodhet në vështirësi të dukshme, është edhe tunduese por edhe e rrezikshme. Tunduese, pasi Berisha reklamon jo pa të drejtë trashëgiminë e dikujt që e mbajti partinë e tij në pushtet për rreth një dekadë e gjysëm. Të rrezikshme, pasi stili politik i Sali Berishës përfaqëson gjithçka të rëndë, traumatike dhe arbitrare që tranzicioni i rezervoi shqiptarëve.

Duartrokitjet që Berisha mori të enjten në Kuvend, teksa shthurte gojën në mënyrën më të shëmtuar ndaj Edi Ramës dhe familjarëve të tij, janë një shuplakë direkte për liderin e heshtur Basha, i cili sa herë del në podium përpiqet të përdorë gjuhën dhe tonet e Berishës. Por që, siç e kemi parë tashmë, nuk i ka të vetat, nuk i shkojnë, sepse i rrinë si një kostum i marrë borxh.

Lulzim Basha mund të ketë shumë defekte, por ai nuk e pati kurrë aciditetin, negativitetin dhe egërsinë e gjuhës së Berishës. Edhe kur është përpjekur, ka tingëlluar fallco. Ka qenë vërtetë ministri i brendshëm i 21 janarit, por atë ngjarje e ka marrë përsipër të gjithën shefi i tij i vjetër, pa i lënë askujt rastin që të “mburret” më të vrarët në bulevard. Basha nuk e replikon dot Doktorin, ai vetëm e vuan hijen e tij. Nëse duhej një rast tjetër flagrant i këtij dyzimi, shihni seancën e fundit të parlamentit.

Next Post
FOTO / Banesa e rrallë në Berat, drejt restaurimit të plotë

FOTO / Banesa e rrallë në Berat, drejt restaurimit të plotë

Comments 1

  1. ppa says:
    8 years ago

    C’thua moj Kati…di te lexosh apo jo; tjeter analizon Minxhozi, tjeter kumbore i bie ti…!

    Reply

Leave a Reply Cancel reply

Your email address will not be published. Required fields are marked *

TË FUNDIT

Ekonomi shpjegon çfarë është taksa e vinjetës: Ja sa do të paguhet për makinën

Ekonomi shpjegon çfarë është taksa e vinjetës: Ja sa do të paguhet për makinën

November 10, 2026
Përplasje e fortë mes konspiracionistëve të protestës, akuza për fonde të huaja, lidhje me Soros dhe “mercenarë oligarkësh”!

Protesta e ‘flamingove’/ Deputeti i PS: Kërkesa për ndalimin e investimit të huaj, tipike komuniste e anti-kapitaliste

November 10, 2026
Ministria e Mbrojtjes përgënjeshtron denoncimin për mungesë uniformash në FA: Nuk pasqyron realitetin!

Ministria e Mbrojtjes përgënjeshtron denoncimin për mungesë uniformash në FA: Nuk pasqyron realitetin!

November 10, 2026
Ekzekutimi i shqiptarit në Spanjë, detajet e atentatit që tronditi Costa Blanca-n, dyshime për vrasje me pagesë

Ekzekutimi i shqiptarit në Spanjë, detajet e atentatit që tronditi Costa Blanca-n, dyshime për vrasje me pagesë

November 10, 2026
Zogaj: Faji mbetet jetim, OSBE/ODIHR-i u referohet partive për shitblerjen e votave dhe incidentet

Zogaj: SPAK po provon me majat e Piramidës se askush nuk është mbi ligjin

November 10, 2026
Hetimi për “The Albanian Files”, Dudushi: Mos ngatërrojmë librin arkitekturor me punët e pista

Hetimi për “The Albanian Files”, Dudushi: Mos ngatërrojmë librin arkitekturor me punët e pista

November 10, 2026
Nga Shallvaret dhe “Pazari i Ri” tek faqet në internet, zbulohet prostitucion në zemër të kryeqytetit

Nga Shallvaret dhe “Pazari i Ri” tek faqet në internet, zbulohet prostitucion në zemër të kryeqytetit

November 10, 2026
Vizita në Paris/ Rama nxjerr pamjet, pritet në mbrëmjen e organizuar nga Macron në Pallatin Elysée

Vizita në Paris/ Rama nxjerr pamjet, pritet në mbrëmjen e organizuar nga Macron në Pallatin Elysée

November 10, 2026
Hekurudha Vorë- Hani i Hotit, 5 kompani kalojnë fazën e parë për mbikëqyrjen

Kur do të përfundojë hekurudha Tiranë-Durrës-Rinas? Përgjigjet ministri Enea Karakaçi

November 10, 2026
SHBA paralajmëron rrezik nga grupet e mbështetura nga Irani, Klosi: Shqipëria e sigurt brenda NATO-s

Kërkesa e Veliajt për pjesëmarrje në Asamble| Klosi: Do e diskutojmë në forume, problem paraburgimi

November 10, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In