Disa zona në Tiranë janë shytur në errësirë totale rpej disa orësh për shkak të mungesës së energjisë elektrike. Lagjet pranë ish- kombinatit, Yzberishtit dhe Unazës së Re prej pasdites nuk furnizohen me energji elektrike. Në lidhje me këtë situatë ka ardhur edhe reagimi i Operatorit të Shpërndarjes së Energjisë.
Sipas OSSHE, shkak është bërë shkatërrimi i një kablli nga një individ të cilin e ka konsideruar të papërgjegjshëm por pa dhënë shpjegime se për çfarë dëmtimi bëhet fjalë. Deri më tani në errësirë janë 20 mijë qytetarë. Ndërkohë në lidhje me dëmin e shkaktuar nga personi në fjale OSSHE ka bërë kallëzim në polici.
