Një ftesë e pritshme e ministrave të jashtëm të shteteve anëtare të NATO-s pritet që t’i dërgohet Malit të Zi, që kjo e fundit të bëhet pjesë e aleancës. Por një ftesë e tillë e NATOS, ndaj një vendi të ish Jugosllavisë që bombardoi 17 vite më parë, me shumë gjasa do të nxehë gjakrat mes Perëndimit dhe Rusisë.
Moska prej kohësh tashmë e ka cilësuar shtrirjen e NATO-s si një provokim të hapur. Madje shumë zyrtarë të shteteve perëndimore mendojnë se po Rusia, në përpjekje për të “ndaluar” këtë ekspansion të NATO-s ka hedhur benzinë edhe tek protestat anti- qeveritare në Malin e Zi. Vetëm para disa ditësh në Podgoricë u zhvilluan protesta nga opozita kundër anëtarësimit të Malit të Zi në NATO. Opozita prej kohësh tashmë porteston ashpër dhe dhunshëm duke kërkuar dorëheqjen e qeverisë dhe nisjen e zgjedhjeve të parakohshme.
Por përsa i përket anëtarësimit në NATO, parlamenti Malazez ka votuar pro kësaj mundësie si dhe ka kryer të gjitha reformat e nevojshme për tu bërë shtet anëtar në NATO.
Gjatë një vizite që kreu i NATO bëri në Mal të Zi ai u shpreh: Dhënia e një ftese Malit të Zi që të nisë bisedimet për anëtarësimin e saj në NATO do të ishte një vendim historik. Kjo do të sinjalizonte përkushtimin tonë të vazhdueshëm ndaj vendeve të Ballkanit Perëndimor.
Deri më tani pjesë e NATO në rajon janë Shqipëria, Sllovenia dhe Kroacia. Këtë e sheh me skepticizëm Rusia, e cila në mënyrë të përsëritur ka artikuluar dëshirën që vendet e ish bllokut komunist të mos jenë pjesë e aleancës së antlantikut. Në shtator, ka qenë vetë Ministri Jashtëm Sergei Lavror i cili tha:
“ Në lidhje me zgjerimin e NATO-s e shoh këtë si një gabim, madje edhe si një provokim në një sens të cakltuar. Kjo është një politikë e papërgjegjshme që zhvlerëson angazhimin për të krijuar një sistem të barabartë sigurie në Europë, të barabartë për këdo, pavarësisht nëse një shtet bën pjesë e këtij apo atij blloku.”
28 Ministrat e jashtëm të vendeve anëtare në Aleancën e Atlantikut Verior nisën një mbledhje dy ditore këtë të martë dhe pritet që në mënyrë unanime të bëjnzë zyrtare kërkesën për Malin e Zi ditën e nesërme. Kështu besohet se Malit të Zi do t’i duhen rreth 1 vit që të arrijë të gjitha kushtet e nevojshme për tu pranuar në NATO.