Nga Petrit Ago / Ish-Drejtor i Pergjithshem i Doganave
Kam ndjekur me vemendje njoftimin per shtyp te kompanise Crown Agents, te cilet i pergjigjen disa informacioneve apo shkrimeve ne media te ndryshme .
Duke qene lexues i vemendshem i shtypit, nuk kam vene re qe javet e fundit te kete patur ndonje fushate denigruese ndaj tyre. Referuar njoftimit per shtyp, me duket se shqetesimi real i kompanise lidhet me supozimet per largimin e saj nga Shqiperia.
Pa dashur te futem ne kete histori – do largohen apo nuk do te largohen – si ish-drejtues dhe njohes i kesaj fushe, por edhe si biznesmen dhe qytetar do prisja nga Crown Agents te deklaroje ne menyre transparente realizimin e kontrates 2- vjecare me qeverine shqiptare. Ky eshte nje obligim para taksapaguesve Shqiptare te cilet paguajne me taksat e tyre edhe per qendrimin e tyre ne Shqiperi .
Nga te dhenat e bera publike nga ministria e Financave per te ardhurat e realizuara deri me sot midis objektivave te marreveshjes dhe faktit rezulton nje diference e madhe , praktikisht Crown Agents eshte nje mision i deshtuar qe i ka kushtuar dhe vazhdon t’i kushtoje taksapaguesve shqiptare para, te cilat nuk mund te kthehen me. Kete fakt e ka pranuar hapur edhe Ministria e Financave.
Ne bindjen time si ish-drejtues i tatimeve dhe doganave shqiptare dhe si njohes i kesaj fushe , Crown Agents nuk mund te performoje ne doganat tona dhe aq me pak te jape keshilla per sistemin tone tatimor .Kjo performance e dobet, mendoj se eshte sinjal i qarte per qeverine, te heqe dore nga eksperimentet me kompanite e huaja, qe jo rralle, per te justifikuar deshtimin e tyre, spekullojne, madje fyejne administraten fiskale si te paafte dhe te korruptuar .
Pas 25 vjetesh ekonomi tregu dhe nje asistence te vazhdueshme dhe shume profesionale te BE, vendi yne ka nje armate me specialiste te kesaj fushe, te afte per te realizuar objektivat .
Lidhur me ndonje spekullim apo supozim ne menyre te terthorte ,se Crown Agents tenton nepermjet kompanise gjeorgjiane “Reformatics”, te realizoje nje kontrate te dyte, nuk do e besoja kurre, nisur nga vendi qe perfaqeson dhe emri i mire i kompanise .
Per kete teme madhore mendoj qe eshte e domosdoshme te zhvillohet nje debat i hapur televiziv, ku te jene te pranishem stafi i kompanise Crown Agents dhe specialiste shqiptare te kesaj fushe.
