Presidenti i SHBA Barack Obama është pranë përfundimit të mandatit të tij të dytë dhe është rrëfyer në një intervistë për Ingrid Nilsen, duke treguar anën e tij personale. Obama ka treguar se ai në xhep mban disa rruaza që ia ka dhënë Papa Francesku si dhe një statujë të vogël të Budës, që ia ka dhënë një budist.
Por nuk përfundon me kaq. Më pas Obama tregon se mban përherë me vete edhe disa sende të tjera, një chip pokeri për fat, një statujë të zotit të Majmunëve Hanuman si dhe një kryq, që ia kanë dhënë në Etiopi.
“Arsyeja pse t’i tregova këto është fakti se i mbaj gjithmonë me vete. Nuk jam supersticioz mirëpo më kujtojnë gjithmonë njerëzit e ndryshëm që kam takuar gjatë rrugës dhe sa shumë kanë investuar ata në mua”, ka thënë Obama.
