Edhe pse të gjithë pyesnin për emrin sapo aktorja e njohur Olta Gixhari solli në jetë djalin e dytë, ajo ishte e vendosur që do ta tregonte kur të donte. Si natyrë supersticioze që është, në të gjitha bisedat që ka ndarë me miqtë e saj virtualë, Olta ka thënë se emrin “do ta zbulojë shumë shpejt”.
Sot, një muaj pas lindjes së të birit, portretin e të cilit ajo ende nuk e ka treguar publikisht, Olta ka zbuluar emrin. Vogëlushi është pagëzuar me emrin Zeo.
Në foton e fundit me të birin, ndërsa është duke e ushqyer me gji, Olta zbulon: “Zeo, një muaj”.
Me dhjetëra urime kanë shkuar në adresë të mami Oltës, por mes tyre ka edhe nga ata që emri u duket i çuditshëm.
Po cili është kuptimi i emrit Zeo?
Zeo është një emër djali me origjinë hebreje, i cili ka kuptimin “i fuqishëm, misterioz, unik”.
