Policia e Korçës ka vënë në pranga një person të shpallur në kërkim për plagosje me armë zjarri. Uniformat blu kanë arrestuar Landi Rozani, 32 vjeç, banues në fshatin Podgorie-Maliq.
Ai akuzohet për plagosjen e shtetasit V.F, 38 vjeç. Ngjarja ka ndodhur me 19 shkurt 2017 në fshatin Bulgarec.
Landi Rozani për motive të dobëta, ka qëlluar dy herë me armë gjahu në drejtim të banesës së shtetasit V.F, ku për pasojë ky i fundit mbeti i plagosur.
Gjykata e Rrethit Gjyqësor Korçë, me vendim nr 20, datë 24.01.2017, ka caktuar për këtë shtetas masën e sigurisë “Arrest në burg”, për veprat penale : “Vrasja me paramendim, mbetur në tentative” dhe “Prodhimi dhe mbajtja pa leje e armëve të gjuetisë dhe sportive”/ora/a.k
