Nga Sefer Pasha
Në Zym të Kosovës çdo vit mblidhen qindra njerëz nga Kosova, Shqipëria. Përkujtohet dita e gjëmës kur shovinistët serb vranë Shtjefën Gjeçovin në vitin 1929. Gjeçovi ka një biografi të ndritur. Në vitin 1920 mori pjesë në Luftën e Vlorës dhe është një veprimtar i shquar, etnogarf, arkeolog dhe shkrimtar. …………………………Edhe unë si gjithë të tjerët në këtë datë shkoj në Zym të Kosovës. Ime shoqe në kalendarin e varur në bibliotekë e që ngjan me një hartë datën përkutimore të Gjeçovit e fut në rreth të kuq. Dhe unë që një pjesë të kohës e kaloj në bibliotekë e vështroj kalendarin e qysh një javë më parë përgatitem për në Zym. Për ta përkujtuar tragjedinë e Shtjefën Gjeçovit vijnë dhe pushtetar nga Kosova dhe Shqipëria. Vite më parë më datën 7 . 10. 2017 erdhi dhe Presidenti i Kosovës Hashim Thaçi. E kam të fiksuar në kujtesën time, por dhe në fotografi. Atëherë nuk ishte ky Hashim që e shohim tani në burgun e Hagës. Mes miqëve atë ditë të bukur vjeshte u paraqit i thjeshtë. Në kokë nuk kishte flokë bore. U ul në amfiteatrin me gur Pashtriku pa qibër. E mori fjalën dhe foli shkurt. ………….. Unë nuk e harroj një detaj. Hashim Thaçi fliste dhe sytë herë pas here i hidhte nga mali i Pashtrikut të cilin e kishte përballë. Po përse e hedh vështrimin nga Pashtriku pyesja unë dhe miq të tjerë të largët?. Përgjigja nuk ishte e vështirë për të gjithë ata që e dëgjonin. Në atë drejtim ishte Qafa e Mullarëve, ku Hashim Thaçi e kaloi malin e Pashtrikut për në Rambuje. Pikërisht në atë qafë disa vite më vonë shovinistët serb do të vrisnin gjeneralin Luan Haradinaj, të cilin i vëllai Ramushi e varrosi në mëngjes tek Ara e Muhadrit në Vlahën të Hasit e që më vonë i mbeti emri Ara e Luanit. ……………………Pas kaq vjetësh e vështroj fotografinë të cilën e bëra në Zym me Hashim Thaçin në atë takim për të kujtuar Gjeçovin. Presidenti tani së bashku me Jakup Krasniqin, Kadri Veselin dhe Rexhep Selimin ndodhen në burgun e Hagës. Akuzat janë të pathemelta. Të gjitha i sqarojë gjenerali Klark, i cili u thirr në Hagë si dëshmitar. Trimat e Uçk -së të cilët janë gjallë kur e dëgjuan gjeneralin Klark e thanë me zë të lart se Hashim Thaçi nuk ka qëlluar fare me armë në luftë, s’ka arrestuar njeri, s’ka një proces – verbal dhe nuk e njeh mekanizmin e shtrëngimit të prangave. Kurrë nuk kishte parë çelësa të dyerve të qelive të ndonjë burgu[vetëm kur e shpunë në burgun e Hagës]. I vetmi “faj” i tij është se në të gjitha zonat e luftës e mbajti me vete një bibliotekë, të cilën tani e administron në vendlindje në Bujovë i biri i tij. Presidenti Hashim Thaçi nuk ka bër asnjë krim. Bujova ku lindi i jep krah dhe për të nuk ka asnjë pengesë. Në Kosovë do të kthehet me flamurin e lavdisë. Qelia e burgut i duket si odat në Bujovë, ku u përkund nga këngët e atit Haxhiut dhe të nënës Hyrës. Në dritaren e qelisë në Hagë me përtesë vijnë agimet, kurse atje në Bujovën ku lindi ngjiten në kulla si shtojzavalle. Presidenti ka mall për agimet e Bujovës. Një bujovas që e vizitoi në Hagë i tha që të mos dëshpërohej dhe i tregoi se gjyshi i tij në vreshtin e madh kishte mbjellë dy mollë. Një mollë të ëmbël dhe një të thartë. Kur mollët u rritën dhe i poqën kokrrat ushtarët serb e shqyen mollën e ëmbël, kurse molla e thartë është dhe sot. Në të kakarisin korbat. Presidenti ka qenë një nga luftëtarët e orëve të para si i gjithë populli i Kosovës. Shpresojmë që pasi të kthehet i pafajshëm nga Haga ne përsëri të mblidhemi në Zym për të kujtuar Shtjefën Gjeçovin.
