Është një realitet i trishtë post-elektoral për PD, që e sjell këtë refleksion, ku:
– Defiçenca e standardit “kontribut politik” në përzgjedhje, nuk solli rritje të PD;
– Mungesa e analizës së humbjes, nuk mund të prodhojë fitore!
– Rritja e Kryesisë së PD (50+) me mjaft anëtarë pa profil të qartë politik, nuk solli rritje të PD;
– Rritja e Këshillit Kombëtar (200+, që s’u mblodh kurrë) nuk solli rritje të PD;
– Rritja e kandidatëve anonimë, në lista përfaqësimi, pa kontribute dhe investim politiko-publik, nuk solli rritje të PD;
– Emërimi i “kalamajve të babit” si ligjvënës , nuk solli rritje të PD;
– Futja e femrave “trendy” me standarde “estetike”, e jo profesionale/politike, nuk solli rritje të PD;
– Mungesa e përfaqësuesve të natyrshëm të elektoratit të djathtë, nuk solli rritje të PD;
– Aplikimi i “aksionit opozitar” jo gjithnjë në rezonancë me qytetarët, nuk solli rritje të PD;
– Rritja e përmasave të selisë qendrore, nuk solli rritje të PD; (demokratët janë nostalgjikë për atë selinë e vogël, që ka prodhuar fitore të mëdha!)
– Modeli i shndërrimit nga një parti elektorale në një parti “pragmatiste”, nuk solli rritje të PD;
– Modeli i shndërrimit nga një parti populiste në një parti klienteliste, nuk solli rritje të PD;
– Modeli i një kryetari “të shkëputur nga baza”, nuk solli rritje të PD.
Dorëheqja është një akt i vlerësuar i demokracisë!
Gjithëpërfshirja është themeli i Ripërtëritjes, në simbiozë me standardet Euro-Atlantike!
Për partinë që kemi dashur e që prapë do të donim!
Në respekt të armatës qindra-mijëshe demokratësh të të gjithë brezave, që nga familjaret e mi dhe kontributit të tyre të paçmuar për të mirën e vendit!
P.S. Reflektimi nuk më pengon të uroj fituesit e kësaj gare: PS dhe z. Rama! Punë të mbarë për Shqipërinë, në realizimin sa më parë të ëndrrës sonë europiane!
Por pozita nuk mund të ketë mbarëvajtje, pa opozitë të suksesshme!
