Titullarët e sezonit të shkuar te Luftëtari kanë qenë në fokusin e shumë skuadrave. Një prej tyre është edhe Kristal Abazaj.
Burime të “Panorama Sport” kanë bërë me dije se kohët e fundit Abazaj ka marrë një ofertë nga një ekip zviceran, por ende nuk ka firmosur pasi më parë duhet që të gjejë akordin me drejtuesit e klubit të Luftëtarit ku vazhdon të jetë nën kontratë.
Madje mësohet se gjatë kohës që skuadra bluzi ka qenë pushim, lojtari ka qenë në një provë në Zvicër, por nuk mësohet se cila është skuadra e interesuar për të.
Duke qenë se bëhet fjalë për një ofertë jashtë vendit, klubi gjirokastrit pritet të mos bëhet pengesë për futbollistin, por t’i japë atij lejekalimi, në bazë të një pagese për kartonin e tij. Gjithsesi në ditët në vijim do të ketë edhe një panoramë më të qartë rreth së ardhmes së futbollistit./a.ç
